Filtrer les éléments par date : lundi, 21 octobre 2019

Hitan'ny olona nangovitra ity ramatoa ity androany maraina. Nisy nanome firakotra azy, nihevitra fa nangatsiaka izy. Fotoana fohy taorian’izay dia tapitra ny ainy.

Manan-janaka iray, lahikely fito taona ilay ramatoa, any am-pigadrana eto Ambatondrazaka ny vadiny. Mangataka no ahitan’ny olona azy.

Vao andro vitsy lasa izay no nisy lehilahy iray 60 taona eo koa, namoy ny ainy teny amoron-dalana teto Ambatondrazaka. Samy manan-kavana eto, na ity vehivavy namoy ny ainy androany ity, na ilay rangahy, saingy mety samy manana ny manahirana azy, na eo aza ilay hoe : ny adalan’ny hafa ihomehezana fa ny an’ny tena tafian-damba.

 

Publié dans Vaovao

Misy ny solika, tsy hiakatra ny vidiny, ka tsy misy tokony hampitaintaina ny mpanjifa, hoy ny fanamafisana avy eo anivon’ny OMH (Office Malgache des Hydrocarbures). Mbola manana tahirin-tsolika mandritra ny 21 andro i Madagasikara, hoy hatrany ny fanazavana.

Toby mpaninjara solika miisa 18 amin’ny 100 no nisy tsy fahampiana kely teto Antananarivo Renivohitra ny faran’ny herinandro noho ny fahataran’ny famatsiana avy amin’ny fiarabe, izay no nampikoropaka ny olona teto an-drenivohitra sy tao Toliara ary koa Toamasina.

Amin’ny 25 oktobra 2019 ho avy izao no tonga ao Toamasina ny sambo be mpitondra solika na « tanker ».

(Jreo Sary Tohiny)

Publié dans Tselatra

Maneho firaisam-po sy firaisan-tsaina ho an'ny mponin'Ambohitrimanjaka ireto Malagasy mila ravinahitra atsy amin’ny Nosy La Réunion.

« Atsaharo tsy misy hatak'andro ny fanotofana tany ! Atsaharo ny asa fanombohana sy ny fananganana ny Tanamasoandro eo Ambohitrimajaka ! Atsaharo ny fandatsahan-dra ny vahoaka sy ny fampiharana ny hery setra ! Aza esorina amin'ny Tanindrazany ny mponina ao Ambohitrimanjaka. Aza atao sesitany ny mpiray Tanindrazana satria tsy nisy heloka vitany. Midadasika i Madagasikara ka maro ny toeran-kafa tsy misy mponina, azo anorenana Tanamasoandro », hoy ny fanehoan-kevitr’izy ireo nandritra ny fihaonana fanohanana ny tolon'ny Vahoakan'Ambohitrimanjaka, notontosaina ny alahady 20 oktobra 2019.

 

Publié dans Tselatra

Hotanterahina eto Mahajanga, renivohitry ny Faritra Boeny, ny 21 hatramin'ny 25 oktobra 2019 ny zaikabe nasionalin’ny Paramedy.

Maro ireo hetsika ara-pahasalamana, ara-tsosialy, ara-kolotsaina sy ara-panatanjahantena izay hokarakarain'ny Paramedy mandritra io herinandro io, manodidina ny lohahevitra hoe: « Paramedy, antoka sy andry iankinan'ny Fahasalamam-bahoaka » nosafidian’ny mpikarakara tamin’ity taona 2019 ity.

Hankalazaina mandritra io fihaonana io ny faha-10 Taonan'ny Sendikan'ny Infirmiera sy ny Mpampivelona eto Madagasikara (SISFM), sy ny ny faha-15 Taonan'ny Fikambanan'ny Paramedy eto Madagasikara (APM). Havaozina ihany koa ireo mpikambana handrafitra ny Birao vaovao hitantana azy mandritra ny dimy taona manaraka.

 

Publié dans Sociale

Lasa tabataba ankehitriny ilay tetikasa fanorenana Tana Masoandro, veliranon'i Kandida Andry Rajoelina. Tsy nanafina ireo vina sy ny fomba ahatongavana amin'izany izy nandritra ny fampielezan-kevitra nataony.

Nambarany tamin'izany, miaraka amin'ny sary, fa dia manomboka eo Ampasika, ny tetezana mihazo an'Itaosy, ka hatrany Ambohitrimanjaka rehetra no hanatanterahiny ny tanàna Tana Masoandro.

Nolazainy tamin'izany ihany koa, fa mirefy 1000 ha ny velaran-tany avaozina tanteraka amin'izany, ary dia nazava toa ny masoandro be lohataona ny fomba anatanterahiny azy.

Hoy ny Kandida Andry Rajoelina nandritra ny fampielezan-kevitra: "Amidy amin'ireo mpandraharaha ny tany 100ha ahafahana mamelomboly (viabiliser), anamboarana lalana sy birao, ary afindra eny amin'ny Tana Masoandro ny biraom-panjakana rehetra".

Publié dans Editorial
lundi, 21 octobre 2019 10:11

Technologie: Girls Robotika Madagascar

Manantena ny fanohanantsika ara-moraly, indrindra ara-bola, ireo tanora vavitsika Malagasy hiatrika ny fifaninanana iraisam-pirenena momba ny robotika atao any Armenia ny 9 novambra ho avy izao.

Merci de soutenir nos jeunes filles pour le concours mondial en robotique Armenia 9 novembre 2019.
Vos encouragements sont les bienvenus mais surtout, elles ont besoin d'argent pour y aller.

(Voir Photos Suite)

Publié dans Art et Culture
Page 2 sur 2