Sociale

    • lundi, 22 juillet 2019 21:28
    • Sary Gasypatriote

    Ambohipo: Lasan'ny mpanam-bola ny tany nokarakaraina efa ho 50 taona, noravana ny trano

    Tamin'ny zoma 19 jolay vao maraina dia voahodidina polisy ny toerana, niditra an-tsehatra ny vadintany, ireo mpiasan'ny mpandrefy tany, ary ireo mpiasa marobe nandrava ny fefy, nanapaka ny hazo sy ny zaridaina, ary nandrodana ny trano, mifanefitra amin'ny cité SEIMAD. Niditra an-tsehatra ny fokontany, fa dia niala maina fa nanana didy avy amin'ny fitsarana ny vadintany, ka dia tsy nisy ora 4 dia rava tanteraka ny trano. Ny tany mifanila amin'ny cité SEIMAD dia toerana maitso, ary raha misy aza ny famarotan'ny SEIMAD ireny toerana ireny, dia tokony ireo efa mipetraka sy mikarakara ny tany no anontaniana voalohany raha hividy, fa tamin'ity raharaha ity, raha ny filazan'ny rava trano, dia tsy nisy izany, fa ny SEIMAD aza milaza fa tsy amidy ireny faritra ireny.
    Lire la suite ...
    • lundi, 22 juillet 2019 15:53

    Sosialim-bahoaka: Mitohy ny fitsinjarana ny « Vary Mora »

    Mitohy ny fitsinjarana ny « Vary Mora ». Nisy ny fiovana satria raha alarobia sy sabotsy ny fivarotana teo aloha, dia lasa talata sy zoma indray izany, raha ny fandaharam-potoana vaovao. Ho an’ny faritra Analamanga manokana dia anjaran’ny Distrikan’Ambohidratrimo sy Atsimondrano no hisy fizarana. Ho an’ny rahampitso talata 23 jolay dia eny Amboaroy, Ambodirano, K7, Talatamaty, Tanjondava, Namontana ho an’ny Distrikan’Ambohidratrimo. Ampanefy, Soalandy, Ampahitrosy, Ambaniala, Antanetikely, Ambavahaditokana, Andranonahoatra, Anosizato Ampefiloha ary Ampitatafika Antsimombohitra kosa ho an’ny eny Antsimondrano.  
    Lire la suite ...
    • lundi, 22 juillet 2019 11:31
    • Sary nindramina

    Polisy: Miampy 1098 ireo amperinasa

    Navoaka tamin’ny fomba ofisialy ny zoma 19 jolay 2019 teto amin’ny ENIAP Antsirabe ny andiany faha-25, ho an’ireo mpianatra ho Polisy mandrafitra ny andiany « FENITRA ». « Inspecteur de Police » ny 99 tamin’ireo notolorana galona rehefa nandalo fiofanana nandritra ny 12 volana, ka vehivavy ny 08 amin’izy ireo, ary 91 kosa lehilahy. Nahatratra 999 kosa ireo « Agent de police » izay nahitana vehivavy 94 ary lehilahy 905. 22 taona no zandriny indrindra, raha 44 taona kosa no zokiny indrindra amin’izy ireo.
    Lire la suite ...
    • lundi, 22 juillet 2019 10:18
    • Sary nomena

    Fitsarana: Hanangana fonja vaovao hanaraka ny fenitra iraisam-pirenena

    Nomarihina teny amin’ny Fitsarana Anosy - Antananarivo ny zoma 19 jolay ny ivon’ny fankalazana ny faha-60 taonan’ny fandraharahana ny fonja. « Fandraharahana ny fonja mivoatra : manaja ny zo mahaolona, antoky ny fandriam-pahalemana sy ny fampandrosoana » no lohahevitra nobanjinina nandritra izao fankalazana izao. Hisy ny lamina vaovao izay hapetraka, hoy ny Praiminisitra Ntsay Christian, handrindràna ny asa rehetra ary ny eo amin’ireo mpitsara sy mpandraharahan’ny fonja. Hanangana fonja vaovao hanaraka ny fenitra iraisam-pirenena ny fanjakana, mba ho fanajana ny zo maha-olona, ho an’ireo voafonja, satria be loatra ny isan’izy ireo ka tsy mifanaraka amin’ny fotodrafitrasa misy eto amintsika.
    Lire la suite ...
    • dimanche, 21 juillet 2019 16:41
    • Sary nindramina

    Fonjaben'Antsohihy: Nivaly ny fangatahana nataon'ny tompon'Andraikitra

    Nahazo fatana sy vilany be manara-penitra avy amin'ireo mpiara-miombonantoka ny Fonja eto Madagasikara, mba hanamorana ny fanomanana ny sakafon'ireo voafonja, izay anisany mahatomombana ny fandriam-pahalemana, ny Fonjabe eto Antsohihy. Nahitana fahatsarana maro teto amin'ity Fonjabe eto Antsohihy ity hatramin'ny nanendrena an'i RAFALIMARO Lovanekena Sermon ho lehiben'ny Fonja, na vao aingana aza no nandraisany izany andraikitra lehibe izany. Misaotra ireo tompon'andraikitra isan'ambaratonga ny lehiben'ny Fonja sy ny mpitantana aty an-toerana, satria ny fandriam-pahalemana eo anivon'ny Fonja, dia misy fiantraikany tsara ihany koa amin'ny fandriam-pahalemana aty Antsohihy. (Jereo Sary Tohiny)  
    Lire la suite ...
    • dimanche, 21 juillet 2019 16:27
    • Sary nindramina

    Tagnamaro: Andiany fahadimy

    Fanadiovana, fandokoana fotodrafitrasam-panjakana, fanomezan-dra,… santionany amin’ny endrika nanamarihan’ny Olompirenena ny hetsika Tagnamaro izany. Andiany faha-5 ny tamin’ny sabotsy 20 jolay 2019 ity. (Jereo Sary Tohiny)  
    Lire la suite ...
    • dimanche, 21 juillet 2019 13:56
    • Sary nindramina

    Tagnamaro: Nanome rà ny mpiasan'ny fahasalamana

    Nisafidy ny hanome rà ny mpiasan'ny fahasalamana sy ireo mpiaramiombon’antoka amin'ny Ministeran'ny Fahasalamam-bahoaka nanamarihana ny Tagnamaro andiany faha-5. Nifamotoana teny amin'ny Hopitaly HJRA Ampefiloha - Antananarivo izy ireo nanatanteraka izany ny sabotsy 20 jolay 2019. Manatsara ny fahasalamana ny fanomezan-drà. (Jereo Sary Tohiny)  
    Lire la suite ...
    • samedi, 20 juillet 2019 20:37
    • Sary nomena

    Antananarivo Renivohitra: 70 taona ny sampana mpamonjy voina

    Ny taona 1949 no namoronana ny sampana Mpamonjy voinan’Antananarivo renivohitra. 70 taona aty aoriana dia mbola mijoro hatrany ary manao fanamby amin’ny hanatsarana hatrany ny fanatanterahana ny asa ny mpamonjy voina. Nisy ny zoma 19 jolay ny vavaka iraisam-pinoana teny amin’ny Chapelle Militaire Ampahibe nanombohana ny fankalazana. Anisan’ireo fanamby lavitr’ezaka ny hananganana sekoly ambony fanofanana ny matihanina momba ny vonjy voina. Tanjona ny hizarana fahalalana mitovy ho an’ny mpamonjy voina rehetra manerana an’i Madagasikara. (Jereo sary Tohiny)  
    Lire la suite ...
    • samedi, 20 juillet 2019 19:40
    • Sary nindramina

    71 taona nivadiana: Maty andro iray, nielanelana adin’ny 12 ora, izy mivady

    Teratany amerikanina, nipetraka tany amin’ny fanjakan’i Géorgie i Herbert DeLaigle, 94 taona, ary Marilyn Frances DeLaigle, 88 taona. Tamin’ny 1947 izy roa no nifankahita voalohany, tao amin’ny trano fisotroana iray any Waynesboro, fanjakan’i Virginie. Mpiasa tao i Marilyn Frances DeLaigle, mpanjifa kosa i Herbert DeLaigle tamin’izay. Nanokana fandaharana manokana ny fahitalavitra tsy miankina New12, nankalazana ny faha-70 taonan’ny mariazin’izy roa. Nodimandry ny zoma lasa teo izy mivady, nielanelana adin’ny 12 ora ny fahafatesan’izy ireo. Namela kamboty 6 mianadahy, zafikely 16, zafiafy 25 ary zafin-dohalika 3 izy ireo.    
    Lire la suite ...
    • mercredi, 17 juillet 2019 21:06
    • Sary: MICA

    Antsirabe: Nodorana ireo entana simba sy lany daty tratra

    Notontosaina androany ny fanapotehana sy fandoroana ireo entana simba sy lany daty sarona taty Antsirabe, ny 04 jolay 2019 teo, nandritra ny fanaraha-maso nataon’ny tompon’andraikitra avy eo anivon’ny ministeran’ny indostria, varotra ary asa tanana Antsirabe, renivohitry ny faritra Vakinankaratra. Entana aman-taonina nahitana menaka, vary, lafarina, paty, ronono mandry amin’ny boaty ary voatabia amin’ny boaty, lafarina 660 kitapo amin’ny 50kg efa simba no tratra tao amin’ny trano fanatobiana entan’ny mpandraharaha karana iray tao an-toerana tamin’io, izay nifangaro tamin’ireo vokatra simika. Nogiazana avy hatrany ny entana ary izao nopotehina sy nodorana ampahibemaso izao. (Jereo Sary Tohiny)  
    Lire la suite ...
Page 1 sur 180