Tselatra

    • lundi, 23 septembre 2019 12:37
    • Sary Gasypatriote Sambava

    Sambava: Tratra ambodiomby ary nosamborina ireo mpivarotra solika an-tsokosoko

    Niara-nanao fisafona tao Sambava ny OMH (Office Malgache des Hydrocarbures) sy ny Minisiteran'ny Angovo, ny Rano sy ny Akoranafo, sy ireo mpitondra ara-panjakàna ny sabotsy 21 septembra 2019. Tratra ambodiomby tamin’izany ireo mpivarotra solika an-tsokosoko. Gazoala 420 litatra ary lasantsy 12 litatra no sarona tamin’izany. Nosamborina avy hatrany ireo mpivarotra an-tsokosoko ireo, ary efa atao fanadihadiana mba ahafahana mamantatra ireo mpiray tsikombakomba, sy ireo toby mpaninjara solika mety ho voasaringotra amin'izany. Natao hiadiana amin’ny fivarotana solika tsy manara-dalàna, ary entina ampiharana ny lalàna mifehy ny sehatry ny solika izao hetsika izao, hoy ny avy amin’ny OMH.  
    Lire la suite ...
    • lundi, 23 septembre 2019 10:15
    • Sary ZP

    Zandarimariam-pirenena - Toby Antranobozaka: Nomena anarana « Jeneraly Randrianasoavina »

    Fotodrafitr'asa maro no Fitokanana tao amin’ny Tobin'ny Fari-piadidian'ny Zandarimariam-pirenena Antranobozaka Antsiranana ny 21 septambra 2019, nentina nanamarihana ny faha-60 taonany sy nampisalorana azy ny anaran'ny « Jeneraly Randrianasoavina », izay efa nitantana ny fibaikoana ny Zandarimariam-pirenena ny Jeneraly Randrianasoavina sady zanaky ny faritra. Nitarika ny lanonana ny Jeneraly Richard Ravalomanana, Sekreteram-panjakana miadidy ny Zandarimaria, sy ny Jeneraly Njatoarisoa Andrianjanaka, Komandin'ny Zandarimaria, izay notronin'ny Minisitry ny Ati-tany Tianarivelo Razafimahefa ary ireo Manamboninahitra miaramila sy sivily.
    Lire la suite ...
    • dimanche, 22 septembre 2019 16:24

    Fifidianana kaominaly: Hatao rahampitso ny antsapaka ho an’Antananarivo Renivohitra

    Hotanterahina eny Nanisana rahampitso alatsinainy 23 septambra 2019 maraina ny fisarihana handaharana ireo kandida ao anaty bileta tokana amin’ny fifidianana Ben’ny tanàna hatao amin’ny 27 novambra 2019. Miisa dimy ny kandida eto Antananarivo Renivohitra, dia Rakotoarisoa Faniry Alban (APM), Naina Andriantsitohaina (IRD), Randriamasinoro Tahiry Ny Rina (TIM), Ralaiarimanana Elias (Tsy miankina) ary Feno Harison (Tsy miankina).  
    Lire la suite ...
    • samedi, 21 septembre 2019 17:54
    • Sary Gasypatriote Morondava

    Morondava: Manjaka ny tsy fanarahan-dalana eo amin’ny sehatry ny fifamoivoizana

    Misesy ny lozam-pifamoivoizana miseho eto an-drenivohitry ny faritra Menabe tato ho ato. Ny tsy fanarahan-dalana no antony, toy ny fiara mpitatitra olona nefa mitondra saribao, kamiao mampidina sy mampiakatra entana amin’ny ora sy toerana arak'izay tiany, mitondra moto manao taingin-telo na mihoatra, mitondra moto tsy manao aroloha … Vokany, betsaka ny lozam-pifamoivoizana. Nanao fampahatsiahivana sy nanao fanentanana amin’ny fanarahan-dalàna ny Polisy ary dia handray fepetra manomboka amin’ny alatsinainy 23 septambra 2019.    
    Lire la suite ...
    • samedi, 21 septembre 2019 16:50

    BEPC Toamasina I: 28,61% ny taham-pahafahana tamin’ity 2019 ity

    Nivaly omaly ny voka-panadinana BEPC ho an’ny Fari-piadidiam-pampianarana Toamasina I. Nihena ny taham-pahafahana ; 28,61% izany tamin’ity 2019 ity raha toa ka 40% tamin’ny taon-dasa 2018. 17,77/20 ny naoty farany ambony azon'ny mpiadina tamin’ity izay mpianatry ny CEG Référence.  
    Lire la suite ...
    • samedi, 21 septembre 2019 13:12
    • Sary nomena

    Primatiora: Miaramila 44 navoaka ambany Faneva

    Notanterahana teny Mahazoarivo ny zoma 20 septambra ny lanona famoahana amin’ny fomba ofisialy eo ambany Faneva an’ireo Miaramila antokon-taona 2019 andiany voalohany, raha nandalo fiofanana nandritra ny telo volana. Miisa 44 izy ireo ary notolorana galona « 1ère classe » ireo 10 voalohany. Voaantso hanao ny fanompoam-pirenena eo anivon’ny Vondron-tafika aron'ny andrim-panjakana eo anivon'ny Primatiora, na Bataillon de Sécurité de la Primature (BSP) izy ireo, ka hanefa ny adidy amin’ny Tanindrazana mandritra ny roa taona. Nitarika ny lanonana ny Contre Amiral Randrianarisoa Marosoa Nonenana, lefitra faharoa eo anivon’ny Etamazaoro jeneralin’ny Tafika. (Jereo Sary Tohiny)  
    Lire la suite ...
    • vendredi, 20 septembre 2019 14:45

    Fitaterana: Efa nanomboka nameno teny amin’ny « Gare routière Makis » ireo Kaoperativa teny Ambodivona

    Nanomboka androany ny fialan’ireo Kaoperativa mitrandraka ny zotra amin’ny lalam-pirenena faha-5 sy faha-2 nitoby teny Ambodivona Antananarivo, ka nifindra eny amin’ny « Gare routière Makis » Andohatapenaka. 25 no hifindra, ary efa nanomboka nameno fiara teny Andohatapenaka ny telo tamin’ireo androany maraina. Nisy mpitandro ny filaminana nanara-maso ny fialana teny Ambodivona ho an’ireo kaoperativa mbola nihazohazo teny an-toerana, ankoatra ireo manana fiantsonana manokana nankatoavin’ny ATT.  
    Lire la suite ...
    • vendredi, 20 septembre 2019 12:58

    Fananganana « Fondation » : Tsy mifanohitra amin’ny Lalampanorenena, hoy ny HCC

    Namoaka ny heviny ny Fitsarana avo momba ny Lalampanorenana (HCC) mikasika ny fangatahan’ny filohan’ny Repoblika, raha toa ka mifanohitra amin’ny andininy faha-49 amin’ny Lalampanorenana ny fananganan’ny filoham-pirenena « Fondation ». Araka ny Avis n°09-HCC/AV nivoaka androany 20 septambra 2019, ao amin’ny andininy voalohany dia milaza fa tsy mifanohitra amin’io andininy faha-49 amin’ny Lalampanorenana io fananganana « Fondation » io, satria samihafa ny "Association", izay voararan'ny Lalampanorenana ny fiandraiketan'ny Filoham-pirenena azy, sy ny "Fondation". Ao amin’ny andininy faharoa kosa dia manipika mazava anefa io Avis n°09-HCC/AV fa mihatakataka tsy azon’ny filohan’ny Repoblika atao ny manana andraikitra amin’io « Fondation » io, ary tsy azo asiana resaka politika hoy ny andininy fahatelo manamafy.  
    Lire la suite ...
    • vendredi, 20 septembre 2019 12:01
    • Sary nindramina

    Tonizia: Nodimandry omaly tany Arabia Saodita i Zine el-Abidine Ben Ali, filoha teo aloha

    Teo amin’ny faha-83 taonany i Zine el-Abidine Ben Ali izao nindaosin’ny fahafatesana izao. Nitondra an’i Tonizia teo anelanelan’ny taona 1989–2011 izy, ary tamin’ny janoary 2011 izy no nitsoaka ny fireneny nandritra ny hetsi-bahoaka « Printemps Arabe », ary nialokaloka tany Arabia Saodita, ary tany izy no maty. Fahavelony no efa nanoratra amin’ny didy miafina nataony i Ben Ali, mba halevina any « La Mecque » raha tonga ny fotoana ahafatesany, araka ny nambaran’i Mounir Ben Salha, mpisolovava azy. Mihevitra ny hanatanteraka izay fikasany izay ny fianakaviany, hoy ity farany. (Jereo Sary Tohiny)  
    Lire la suite ...
    • jeudi, 19 septembre 2019 21:18
    • Sary Njaka

    BEPC Tana: Nivaly androany

    Nody vetiny ny rano natsakaina ho an'ireo nilofo sy nianatra. Nivaly androany ny valim-panadinana BEPC teto Antananarivo renivohitra. (Jereo Sary Tohiny)  
    Lire la suite ...
Page 1 sur 467