Vaovao

    • dimanche, 17 novembre 2019 09:44
    • Sary Polisim-pirenena

    Tsy fandriam-pahalemana: Mivaingana ny ezaka ataon'ny Polisim-pirenena

    Tamin’ity herinandro ity dia lehilahy telo no voasambotry ny mpitandro ny filaminana tamin’ny resaka trafikana rongony teto Antananarivo. Rehefa natao ny fitsirihana sy ny velapandrika dia hita fa nisy olona nanaparitaka rongony mahery vaika rehefa amin’ny alina eny amin’ny manodidina an’Antaninarenina ,Fasandrainiaro, Isoraka. Rehefa tratra moa ny iray tamin’izy ireo, araka ny velapandriky ny mpitandro ny filaminana dia nahatratrarana irony rongony fotsy sy maitso teny aminy. Nitohy ny velapandrika, nosavaina ny finday, dia nahitana zavatra azo anohizana ny fanadiadiana, ary tamin’izany no nahazoana olona iray fanampiny, izay iray petsapetsa taminy, nahitana "drogue dur", ary rehafa natao ny fisavana ny tao an-tranony dia voamarina fa mamboly ireto zava-mahadomelina ireto ireo olona, ary mbola nahitana karazana rongony maro be sy fitaovam-piadiana izay tsy hanana taratasy mazava.
    Lire la suite ...
    • dimanche, 17 novembre 2019 09:37
    • Sary Zandarimaria

    Fanambana - Vohémar: Sahan-drongony an-tsasaka hekitara nopotehina, olona roa voasambotra

    Saron'ny mpitandro filaminana avy ao amin'ny Tobim-paritry ny Zandarimaria eto Vohémar, tao Andraparany Fokontany Ambakirano, Kaominina Fanambana, ny voly rongony amina velaran-tany mirefy 1/2 ha, ny tolakandron'ny zoma 15 novambra 2019. Nisy olona roa voasambotra. Nodorana tany an-tsaha teo anatrehan'ny mpitondra sy ny Fokonolona any an-toerana ny ampahany tamin'ireo zava-mahadomelina ireo. Mitohy ny fanadihadiana. (Jereo Sary Tohiny)  
    Lire la suite ...
    • samedi, 16 novembre 2019 12:11
    • Sary nomena

    Fandriampahalemana: Tsy maintsy mijery ny fomba hiara-miasa amin’ireo firenena manodidina i Madagasikara

    Nandray anjara tamin’ilay fivoriana andiany faharoa momba ny fandriampahalemana (Forum de Paris sur la Paix), izay natao tao Grande Halle de la Villette ny 11 hatramin’ny 13 novambra lasa teo, ny Praiministra, Lehiben’ny governemanta, Ntsay Christian. Seha-pifanakalozana iraisan’ireo firenena manerantany ahafahana mifanakalo ity fivoriam-be ity, ary ikatsahana vahaolana mora ampiasaina sy azo tsapain-tanana, manoloana ny fanamby hamerenana ny fitoniana ankehitriny ; ary izany dia amin’ny alalana fomba fitantanana mifandraika amina fifandraisana maro lafy.
    Lire la suite ...
    • vendredi, 15 novembre 2019 18:20
    • Sary Zandarimaria

    Betroka: Lehilahy iray tratra nanaparitaka vola sandoka mitentina enina alina Ariary

    Saron'ny Zandary avy ao amin'ny Tobim-paritra Betroka ny vola sandoka mitenina 60 000 Ariary miaraka amin'ny lehilahy iray nanamparitaka ireo vola. Lasibatra ny mpivarotra teto Betroka. Natao dika mitovy tamin’ny « Photocopie » ireo vola sandoka. Mitovy avokoa ny laharan'ireo vola, ary mora fantatra avy hatrany fa vola tsy izy raha amin'ny atoandro. Karohina fatratra ireo mpiray tsikombakomba amin’ity mpanaparitaka vola sandoka voasambotra ity. (Jereo Sary Tohiny)  
    Lire la suite ...
    • jeudi, 14 novembre 2019 19:30
    • Sary Gasypatriote Antsirabe

    Vatofotsy – Antsirabe: Lehilahy nitsoraka tao ambany kamiao, maty tsy tra-drano

    Lehilahy iray tokony ho 40 taona no maty nitsoraka tao ambany kamiao, io maraina io, tokony ho tamin'ny 9 ora teo ho eo, teo Vatofotsy Antsirabe. Raha ny nambaran'ireo nahita ny loza dia nandrasan'ilay lehilahy handalo ilay kamiao dia nitsoraka tao ambany izy. Tsy tsikaritry ilay mpamily izany raha tsy olona no nihorakoraka nanakana azy. Maty tsy tra-drano ilay lehilahy ary tapatapaka avokoa ny ratsambatany. Tsy mbola fantatra aloha hatreto ny havan'ity lehilahy namono tena ity. Efa tonga nizaha ny razana ny mpitandro filaminana. (Jereo Sary Tohiny)  
    Lire la suite ...
    • mercredi, 13 novembre 2019 22:36
    • Sary Njaka

    Asan-jiholahy: Mahita vokatra ny Polisim-pirenena

    Traha-tehaky ny polisy ireo jiolahy miisa enina, izay nanao ny asa ratsiny. Ny iray amin’izy ireo moa no maty voatifitra noho ny fanoherana nataony izay nahatonga ny tifitra. Nahitana fitaovana mahery vaika moa tamin’izy ireo, izay nisy cartouche-na bala miisa 15, ireto fitaovana ireto moa dia anisan’ny tsy azo ampiasain’ny olona tsotra tazomina satria antsoina hoe Arme de guerre no filaza azy. Anisan’ny nanao ny fanafihana teny amin’ny orin’asa Djama itaosy, Antohomadinika, teny amin’ny 67ha nanafika ny mpiasan’ny JB.
    Lire la suite ...
    • mercredi, 13 novembre 2019 21:32
    • Sary: MAEP

    Fambolem-bary: Hampiditra masomboly vary safiotra « Wechu 902-3 » milanja 300T ny orinasa sinoa Yuan's Madagascar

    Notoloran’ny orinasa sinoa Yuan's Madagascar masomboly vary safiotra « Wechu 902-3 » milanja 300 taonina ny Governemanta Malagasy, ka 100 taonina amin’izany no efa tonga sy azo ampiasaina amin’ity taom-pambolem-bary 2019-2020 ity. Ho aparitaka any amin’ny Faritra Alaotra, izay sompitr’i Madagasikara ny ampahany betsaka amin’ireo masomboly ireo, ary ny ambiny dia hozaraina amin’ny Faritra Analamanga sy ny Faritra Itasy, izay hanantanterahana ny Fanokafana amin’ ny fomba ofisialy ny taom-pambolena 2019-2020 ny 16 novambra ho avy izao, ao amin’ny Kaominina Sarobaratra Ifanja.
    Lire la suite ...
    • mardi, 12 novembre 2019 20:13

    Andapa: Lehilahy mamo nahiana ho mpamaky trano saika niharan’ny fitsaram-bahoaka

    Handeha hividy sigara ao amin'ny mpivarotra iray efa mihidy tao amin’ny Fokontany Antangena, Kaominina ambonivohitra Andapa ity rangahy ity omaly. Nododominy ilay trano fivarotana ka noheverin'ny olona fa hamaky trano izy dia nosamborin'izy ireo, ary saika niharan'ny fitsaram-bahoaka. Zandary nanao fisafoana no nanavotra azy. Nandritra izany no nahitana fa mamo io olona io. Nentina tao amin’ny brigadin’ny Zandary Andapa ilay rangahy natao famotorana.  
    Lire la suite ...
    • mardi, 12 novembre 2019 20:00
    • Sary Fiarovam-pirenena

    Hopitaly Miaramila: Havaozina mba ho faka-tahaka aty amin'ny Ranomasim-be Indianina

    Hanana foto-drafitrasa manara-penitra ka tsy voatery hitsabo tena any ivelany intsony ny Malagasy. Izay no tanjona hoy ny Minisitry ny Fiarovam-pirenena, jeneraly Rakotonirina Richard raha nihaona tamin'ireo mpitsabo miaramila ao amin’ny HOMI na Hopitaly miaramila Soavinandriana – Antananarivo androany maraina nampahafantatra io tetikasa fanavaozana ny hopitaly HOMI io, mba ho faka-tahaka aty amin'ny Ranomasim-be Indianina. (Jereo Sary Tohiny)  
    Lire la suite ...
    • lundi, 11 novembre 2019 18:51
    • Sary nindramina

    JIRAMA: Sarotra ny toe-draharaha

    Miaiky ny mpitantana ny JIRAMA fa ny fahataran’ny solika mampiodina ny vondrona mpihary herinaratra no isan’ny mahatonga ny fahatapahan-jiro, manampy trotraka ny faharitran’ny rano ao Mandraka, izay mamatsy 24MW an’Antananarivo, sy ny fahanteran'ireo fotodrafitrasa ary ny fiakaran'ny isan'ny mponina. Milaza ny hametraka « sous station » vaovao miisa 6 manampy ireo 6 efa misy ny mpitantana ny orinasa JIRAMA, tarihin’ny Filohan’ny Filankevim-pitantanana ny orinasa, Rasamoelina Soloniaina Andriamanampisoa, sy ny Tale jeneraly mpisolo toerana, ny dokotera Ravelojaona Albert, hamahana ny olana.
    Lire la suite ...
Page 1 sur 157